Istoric deu PLU

Istoric deu document de planificacion qui definí las orientacions politicas de la comuna en matèria d'urbanisme, d'abitat, de transpòrts, de desplaçaments, d'equipaments, o enqüèra d'environament.

PLU aprovat lo 03 de mai de 2005

Le Plan Locau d'Urbanisme de la comuna de Bardòs qu'ei estat aprovat per deliberacion deu conselh municipau ne data deu 3 de mai de 2005.

Aqueth document qu'a hèit l'objècte de 3 modificacions, aprovadas successivament lo 3 d'octobre de 2006, lo 3 de junh de 2008 e lo 4 de mai de 2010.
Aqueth document qu'a egaument hèit l'objècte de 2 modificacions simplificadas, aprovadas lo 4 de heurèr de 2014 e lo 3 de noveme de 2015.

Modificacion n°1 - 3 d'octobre de 2006

Supression deu CÒS (Coeficient d'Aucupacion deus Sòus) en zòna Ua.
Mesa en plaça de l'article L111-1-4 deu Còdi de l'Urbanisme (règla deus 75 m) shens estudi paisatjat.
Metuda en plaça emplaçament reservat (beneficiari : la Comuna).
Modificacion deu traçat de l'Esquèma d'intencion de vias previst dens la partida Sud deu terren d'espòrt.

Modificacion n°2 - 4 de junh de 2008

(seguida a observacion deu sosprefècte après la modificacion n°1 qui prevedè la supression deu CÒS en zòna Ua)

Creacion d'ua zòna Uab dab CÒS de 0,4.
Mesa en plaça de l'empresa au sòu en zòna Uab, Ub, Uc e 1A LO.
Modificacion de l'article 11 de las zònas Ua , 1A LO, Ub, Uc, A e Nh (reparticion deus espacis verds entà lotejament HIRIGOYEN).
Modificacion de l'article 13 de las zònas Ua, 1A LO, Ub e Uc (implantacion de panèus solars).

Modificacion n°3 - 4 de mai de 2010

Reformulacion de daubuas règlas de las zònas U, A LO, A e N.
Modificacion de la delimitacion e de l'afectacion de l'emplaçament reservat n°1.
Modificacion de las condicions d'amainatjament de la zòna 1A LO.
Supression de las prescripcions tà çò deu projècte de via de contornament deu borg.
Diminucion de la zòna Uy entà perméter lo desvolopament d'ua espleitacion agricòla (St-Martin).
Disposicions divèrsas : definicion de las condicions de l'installacion de caravanas dens las zònas Ub e Uc, melhora presa en compte de la gestion de las aigas usadas e pluviaus, modificacion de las règlas relativas a l'implantacion de las construccions, a la lor densitat, au lor aspècte exterior e aus lors abòrds, simplificacion de las règlas relativas a l'estacionament deus veïcules, completud de las règlas tà çò de l'insercion paisatjada de las construccions.

Modificacion n°4 - 4 de heurèr de 2014

Rectificacion d'errors materiaus dens lo document grafic de zonatge.

Modificacion n°5 - 3 de noveme de 2015

Classament en zòna Ua d'ua partida de parcèla situada en zòna Uc entà i perméter ua operacion contentant a las règlas de densitat e de fòrma urbana autorizada au centre deu borg (implantacion d'un grop medicau).
Supression deu sector Uab.
Actualizada deu PLU au par de las evolucions legislativas (integracion lei ALUR).

Aplicader enqüèra a las solas demandas d'autorizacions d'urbanisme depausadas suus terrens dont los drets a bastir que son estats pauhicats abans lo 1èr de heurèr de 2020, per l'obtencion d'un Permís d'amainatjar o d'ua Declaracion Preliminara entà division fonsièra.

Plan de zonatge PLU 2015
Reglament PLU 2015

PLU revisat aprovat lo 1èr de heurèr de 2020

La revision deu Plan Locau d'Urbanisme de Bardòs qu'ei estada aprovada per deliberacion deu Conselh Comunautari de la Comunautat d'Aglomeracion País Basco ne data deu 1èr de heurèr de 2020.
Telecargar la deliberacion ACÍ

Prescrivuda per deliberacion deu conselh municipau ne data deu 6 d'octobre de 2015, la revision deu Plan Locau d'Urbanisme aprovat lo 03 de mai de 2005, qu'avèva entà objècte :

d'integrar las evolucions legislativas importantas (leis Grenelle de 2009 e 2010, lei ALUR de 2014, lei d'aviéner entà l'Agricultura, l'Alimentacion e lo Bòsc – LAFF- de 2014),
d'integrar las evolucions deu contèxte territoriau dab sustot la necessitat d'adaptar d'urgéncia las possibilitats de bastir au nivèu deus equipaments publics dens l'espèra d'ua extension de la capacitat d'espuracion de l'estacion,
d'assegurar la compatibilitat deu PLU dab lo SCOT de l'aglomeracion baionesa e deu Sud de Lanas aprovat lo 6 de heurèr de 2014,
e de préner en compte lo SRCE d'Aquitània.

Per deliberacion ne data deu 7 de març de 2017, lo conselh municipau qu'a balhat lo son acòrd entà que la Comunautat d'Aglomeracion País Basco, competenta en matèria de planificacion despuish lo 1èr de genèr de 2017, que perseguesca la procedura de revision de son PLU, engatjada abans lo transferiment de competéncias.

Pendent tota la durada de la revision ua informacion indicant las estapas granas de la realizacion deu document e precisant lo son estat d'avançament qu'ei estada assegurada per la setmanèra Bardòs-Info, e los abitants e tota persona concernida qu'an podut exprimir las lors observacions sus un registre obèrt ad aqueth efèit.

La reünion publica de concertacion règlementaire presentant las orientacions deu PADD (Projècte d'Amainatjament e de Desvolopament Duradís) organizada lo 28 de heurèr de 2019 a la sala de cinèma de Bardòs, en preséncia de Jérôme ARHANCET, responsable deu pòle urbanisme AMIKUZE de la CAPB, ne carga de l'acompanhament tecnic e juridic de la comuna dens la revision deu PLU, deu burèu d'estudi Èish & Site e deu burèu d'estudi ETEN Environament, qu'a amassat ua cinquantena de personas .

Prescrivuda per Decision deu President de l'Aglomeracion ne data deu 05 de seteme de 2019, l'enquèsta publica que s'ei debanada pendent ua durada de 32 dias consecutius, deu 14 d'octobre au 14 de noveme de 2019. Lo dossièr d'enquèsta publica papèr qu'a podut estar consultat pendent tota la durada de l'enquèsta aus dias abituaus d'obertura de la comuna. Lo dossièr desmaterializat qu'èra consultader suu site internet de l'Aglomeracion www.communaute-paysbasque.frsuu registre desmaterializat. Aficha enquèsta publica

Lo projècte de revision deu PLU, suu quau lo Conselh Municipau a balhat un avís favorable (deliberacion ne data deu 14 de mai de 2019), qu'ei estat arrestat en Conselh Comunautari lo 29 de junh de 2019 puish transmetut entà avís au près de las personas publicas associadas (fasa de consulta règlementaire de 3 mes).

La revision generau deu PLU qu'ei estada aprovada en Conselh Comunautari lo 1èr de heurèr de 2020 (parucion dens lo jornau "las Afichas Petitas deu País Basco" efectiva a la data deu 12 de heurèr de 2020), après avís favorable deu Conselh Municipau (deliberacion ne data deu 07 de genèr de 2020).

Deliberacions

PLU en vigor : PLU revisat modificat lo 28 de seteme de 2024

La modificacion n°1 deu Plan Locau d'Urbanisme de Bardòs qu'ei estada aprovada per deliberacion deu Conselh Comunautari de la Comunautat d'Aglomeracion País Basco ne data deu 28 de seteme de 2024.

Telecargar la deliberacion ACÍ

Prescrivuda per deliberacion deu conselh comunautari ne data deu 04 de heurèr de 2023, los objectius perseguits qu'avèvan entà objècte de :

Har evoluar lo PLU afin de perméter la realizacion deu plan de referéncia urban deu centre borg ; dab sustot : l'evolucion de daubuas Orientacions d'Amainatjament e de Programacion, un tribalh suus emplaçaments reservats deu centre borg e l'evolucion de daubuas disposicions reglamentàrias.
Portar quauquas evolucions au reglament entà clarificar e facilitar l'instruccion de las demandas d'autorizacion d'urbanisme.
Facilitar las condicions de realizacion deus cavaments e ahautidas de sòu dens las zònas A.

Per ua deliberacion complementària deu 30 de seteme de 2023, lo Conselh comunautari de la CAPB qu'a completat los objectius iniciaus entà i integrar las decisions deu jutjament n°2000738 deu Tribunau Administratiu deu 27 de junh de 2023, a saber l'anullacion deus classaments deus sectors 1AUa et1AUd, e har evoluar daubuns emplaçaments reservats de la comuna.

Aqueth projècte qu'a hèit l'objècte d'ua concertacion preliminara dont lo bilanç ei estat tirat per deliberacion deu 09 de deceme de 2023 e d'ua avaloracion environamentau au par de la quau l'Autoritat environamentau a tornat la soa decision lo 13 de març de 2024, abans d'estar sosmetut a enquèsta publica, en aplicacion de las disposicions legaus en vigor.